جان زين تجربونها
الأكلة هذي....تعذبني ) :
الأكلة هذي....تعذبني ) :
طبعا لازم أسويها مرة بالأسبوع
بس طعمها أحلى من مالت بيتزا إكسبرس
وبصراحة كل مرة اسويها أكتشف اني اقدر اضيف
عليها اضافات وتطلع بعد احلى
يالله نبدي الشغل
===
المقادير
علبة كانيالوني
سبانخ مثلجة
مشروم
بصل مفروم
جبنة ريكوتا او فيتا او جبنة يونانية المتوفر
صلصة بريقو للباستا
بشمل
وبس...قلت لكم سهلة
شلون نسويها؟؟؟؟؟
أول شي أبي اوريكم شكل علبة الكانيالوني اللي افضلها
أول شي نحمس البصل مع السبانخ
ونضيف عليهم البهارات
ونتركة على كتر
بعدين نحمس البصل مع المشروم
ونضيف عليهم شوية بهارات وملح قليل
ونتركة بعد لين يفتر شوية
بعدين نخلطهم مع بعض في بايركس
ونضيف عليهم الجبن ونهرسة معاهم بالشوكة
ونخلطهم عدل
وجذية يصير شكلهم
بعدين نحضر بايركس او اي ماعون يدش الفرن وشكلة حلو
بس لازم يكون غزير شوية
ونصب فية 1/2 غرشة الصلصة تقريبا
لحد مايغطي القاعة
بعدين ناخذ الكانيالوني ونحشية بالخلطة بس مانترسة لين يفيض
يعني 3/4
وراح يكون بهالشكل
ونصفة بالماعون
ولما يخلص نصب فوقة الباشميل
طبعا محد مايعرف يسويها
بس خلوها خفيفة شوية احسن لان احنا مانبي فوق طبقة يابسة
ونرش جبن الموزاريلا وشوية بارميزان مبشور
اكو بعد خلطة بالجمعيات دائما استخدمها حق الباستا
ارش منها شوية فوق
والحين.....
نشوف الطبق شلون طلع
جان زين اقدر اشممكم الريحة
عليكم بالعافية مقدما
(لاتشوفون خدامتي شلون تخزني وانا اصور)
هناك 8 تعليقات:
:)))
ضحكتيني على سالفة الخدامة
يعطيج العافية يالليوان ... يختي اموت على العيين... اي شي فيه باستا اغيّب عليه
شكلها وايد لذيذ... نجربها لاحقا
اتمسي بالخير
:)
حياج الله جندل
شخبارج انتي
وشلون الجو عندكم
يختج احنا يومين ثلاثة ونسيح... (:
اي والله جان زين تجربينها وااااايد لذيذة
الساعة المباركة
شوقتيني
شوفي انا نقطة ضعفي كل انواع الباستات
ما اقاوم كلش
وشكلي بجرب الكانالوني بتاعك
واعطيج الأخبار تالي
:*
ومسائج عسل
الزين
حبيبتي انتي
والله عجييييبة
جربيها وعلميني
وعلى طاري الباستات
انا تخصص ايطالي
وهندي...(؛
حياج الله
شهيتيني ع الصبح
انزين جم كمية البهارات ؟
هذي لازم اكشخ فيها عند اهلي بالجمعه
اليوم لووول :) كثري من هالطبخات
ان شاء الله بسويها
حيل راقتني مدونتج تحية لج :)
صج عجيبه انا احبها وايد
بس اللى عندي بالبيت ما يحبووون السبانخ
فاسوي ماعونيين واحد بالسبانخ والثاني باللحمه المفرومه
لازم نرضى كل الرغبااااات
يعطيج العافيه
نبراس
حياج الله
على كيفج البهارات حسب ذوقج
ماقصرتي حبيبتي
الساعة المباركة
بنت الشامية
اي والله انا بعد مو الكل يحب السبانخ بس كيفهم...ياكلونها غصب :)
الساعة المباركة
والله يعافيج
إرسال تعليق