اللهم يارحمن يارحيم..أسئلك .. بعظيم قوتك وجبروتك.. وقدرتك على الخلق..أن تحفظ وطني الكويت...وتحرسه بعينك التي لاتنام..إنك على كل شئ قدير..

الأربعاء، ديسمبر 21، 2011

نقاش حااااد

تساؤل جميل كجمال طفولتها النقيه....


تسائلت صغيرتي عن تاريخ انتهاء علبة حليب النسكويك.. وكان مكتوبا عليها
تاريخ الانتاج2010
تاريخ الانتهاء2013

فقالت..:
يما شلون كاتبين عالقوطي ينتهي 2013..في سنه اسمها 2013؟؟؟

فأجبتها ببساطه..:

إييي..في سنة 2013 بعد سنتين ان شاء الله يصير سنة2013

فردت حائره..:

يعني شلون..؟؟ ..إحنا الحين بتخلص السنه وجم بنصير..2012 صح؟؟

انا..: صح...

هي..: بعدين شلون تصير 2013..يصييير..؟؟؟

انا..: هي مسألة رياضيات حبيبتي جمعي على كل سنه عدد واحد وتصير السنه اللي وراه
هي..: @@   يعني احنا بنكون عايشيين لما يصير التاريخ 2013

انا..: يعلج العافيه..اي ان شاءالله..ليش انتي ماتعرفين السنه كل سنه تزيد واااحد
فاولتي علينا بالموت ليش..؟؟؟؟
ترى مو واااايد  بعيد التاريخ كلها سنتين وتصير السنه بحيل الله2013

للحين ما دشينا 2012 واحنا نتناقش على 2013

وبيض الخعفق
والا فرخ الخعنفق


:)


أتمنى من الله العلي القدير أن يجعل سائر أيامنا في طاعته وأن يستعملنا برضاه وأن يبعد عنا ويبعدنا عن ما يغضبه ولايرضاه

كم أفتقد وجودي بينكم..
وكم أفتقد وجودها بيننا..(سله)

يارب أسعدها أينما كانت..وأفتح دروب السعاده على قلبها وأكرمها برضاك

هناك 7 تعليقات:

الجودي يقول...

يا زينها بنيتج و يا زين سوالفها و استفساراتها البريئة ..الله يحفظها و يعطيها طولة العمر و تشوف 2020 و 2023 و اتبهر فيهم عدل لوووووووووول

واحنا بعد الليوان نشتاق لج وايد أكيد لا تقطعين و الله فريتج عوده

الله يسعدج و يبارك فيه وفي أوقاتج :**

t7l6m.com يقول...

الله يخليها لج ويخليج لهم ويصلحهم ويوفقهم

اللهم آمين يجعل أيامنا في طاعته وعبادته وذكره ويحسن خاتمتنا.
إحنا كذلك فقدناكم وفقدنا بوستات الليوان العفوية
ونتمنى لأختنا سله التوفيق.فعلا غيابها واضح.

منصور الفرج يقول...

الله يحفظها و يخليها لج ..
و تشوف من الحياة اجمل مافيها

العمر الطويل لكم

احترامي

الليوان يقول...

الجودي


ياااااحبيبتي انتي ماقصرتي عالدعاء
والله يرزقج كل ما تمنيين يارب


تشتاق لكم الجنه قولوا آآمين

والله ودي ما اقطع واااايد بس صايره مليقه كله مالي خلق
:)

الليوان يقول...

تحلطم


أخي العزيز
الله يخليلك عيالك ويحفظهم يارب

ماتفقدون غالي..
هي الحياة..لاتسير على وتيرة واحده دائما..

يسعدني مرورك دائما
:)

الليوان يقول...

منصور الفرج


شكرا جزيلا عالدعاء
يارب ... مانشوف من الحياة الا ما يسرنا ويزيدنا قربا وطاعه لله


شرفني مروركم الكريم

:)

بنت الشاميه يقول...

كل عام وانت بخير ...اللهم اجعله عام سعيدا فيه دعوه لا ترد وهبة رزق لا يعد وباب الجنة لا يسد