اليوم كنت في مجمع 360
المغرب ...عند المواقف الخارجية
اللي عند مدخل korllof
صار جدامي موقف يفشل
صج والله عييييب
وحدة قاعدة تزف ريلها وتصرخ علية
جدام الأوادم اللي داش واللي طالع
وأهو ساكت وشايل ولدة...
اللي فهمتة من الكلام اللي سمعته ...
" طبعا لأن صوتها كان عالي وآنا كنت مارة يمهم "
انه اهي كانت ناطرة وتأخر عليها
أو كانت تفتر تدورة ومالقتة
المهم قالتلة:
" أنا مو شغلي وين كنت ليش تخليني انطر يم السيارة ....."
ورد عليها :
" انزين ..انا مادري انج طلعتي..."
" شنو يعني اقعد انطر..."
" خلاص ...خلااااص.... "
هالجملة إهي اللي قهرتني بصراحة....
حسيت ماكو رياييل...
قالت له بصوت عالي جدا...:
"يلا روح خلصني لاتسمع كلام مايسرك جدام الناس....."
ومشى جدامها بدون مايرد عليها
والله العظيم مريت يمها وخفت لاتطقني
بس صج كان ودي اكم على الريال
اعنبو دارك ما تعرف تلتها كف وتربط لسانها
هالعوبة اللي ما تستحي ولا تحشم احد
عاد شايل الياهل واهي تزف فية جدام هالاوادم
والله عيييييب
ياربي عندكم بيت سوووا فيه اللي تبون
بس الواحد جدام الناس يحشم نفسة شوية
يوم قلت السالفة حق أبو العيال...
جان يقول لي :
يمكن طايحة علية يغازل عشان جذي ما له ويه
يرد عليها
قلبتها بمخي...هم ماتصير
لاحول ولا قوة الا بالله
الحمد لله الذي عافانا مما ابتلاهم به
والله الناس اشكال واجناس
الله يهدينا ويهديهم
مساكم خير وسعادة ...
:)
هناك 12 تعليقًا:
جان عفشتي شعرها:) ماتستحي هالبنيه
او نصحتيها على الاقل طبقي مقولة من راى منكم منكرا
لا عفيه عليه ريال خوش اخر ومن
الله يعينه على هالذيبة اللي عنده!
إي والله عيب ومصيبة بعد!!
أول شي يعطيج العافية على هذي المدونة الحلوة واللي يسعدني إني أكون من متابعينها :)
وأحب أضيفها مع قائمة المدونات اللي حبيتها في مدونتي
تحياتي :)
صبحج الله بالخير بعد قلبي انتي
:**
شوفي
اهو لو ذابح لها القطه مثل ما يقولون من اول ليله
ما صار هذا حاله
ويع يا شين الريال الضعيف واللي تسوقه مره
مسمار
حياك الله
والله آنا ياخوي خفت منها شكلها ماتحشم احد ابد شلون تبيني انصحها...
والريال كثر ماكسر خاطري
كثر مابط جبدي
مرورك اسعدني
الساعة المباركة
امواج..
الله يعافيج حبيبتي انتي..
واتابعج العافية وما تهدج قولي آمين
الدنيا فيها ياما و ياما....
الله المستعان
مرورج اسعدني
والساعة المباركة
الزين
صبحج الله بالنور والكرامة
الساعة المباركة والله
اي والله ياوخيتي
كلش ماحب الريال اللي تسوقة مرة وييييييييع
ليش متزوج...بس حق الفشلة
اقعد عند امك ابرك
بس والله الله يعينة
شكلها نسرة وعوبة
مرورج تدرييين....دايم يسعدني
حياج الله
السلام عليكم
اهوا من ناحية عيب ، عيب و نص
صج ما تستحي .. اذا ما تحشمينه حشمي الناس واي واي شيقولون عنج
و الريل شالسالفه ماكو شخصيه؟؟ شلون يرضاها على روحه و جدام خلق الله بعد؟
والله لو واحد ثاني جان لتها كف عشان تعرف تكلمه عدل
شفيهم الناس .. وين الاحترام ؟ عيل في مره تكلم ريلها جذي؟
لا حول ولا قوة الا بالله
الله يهديهم و يصلح بالهم
هوب
وعليكم السلام
حياج الله
شقولج بس الله يرحم رياييل اول
المرة من هيبتهم ماترفع عينها في عينهم
الساعة المباركة
حبيبتي لا تستبعدين مسويتله سحر
مخليتة خاتم بايدينها
ترا في حريم جهلة
ولا الريال شللي حادة حتى لو ماعنده شخصية يرد عليها
قادر بكلمة وحدة "طالق" انتهى الموضوع
غير معرف...
والله ماحط بذمتي
بس في ناس بدون سحر شخصياتهم جذي
بدون هوية ماكو احساس او ردة فعل
الله يعين ...
حياك الله او حياج الله
ياحبيبتي لاتحرين عمرج:)
حسيت انتي محتره ومشتطة:)
والله لو من هالريايل اللي اعرفها جان صفّطها وحطها في قوطي وراح ورد عليه بالسيارة!
ياختي حريم هالايام نسورة :)
شنو هذا شرشحته فقير ماسوت عليه...
الله يعينه صراحه والله يهديها اللهم لا تبلانا...
بعدين بيني وبينج انا ماينفعل لي ريال جذي:)
احب سي السيد:)
مساج الله بالخير
سلة ميوة
بعد قلبي انتي
الله الهادي شنقول بس
اي والله يبيلها واحد من هالاصناف
مو هالفقير اللي لاعبة بحسبتة
.
.
.
اي والله ... شلون يقولون ريال ومايعرف يهاوش ماتركب
مساج كلة خير وهنا يارب
ومرورج انتي دايم يسعدني
إرسال تعليق