من النادر...قليلا جدا...ما أخرج صباح يوم الجمعه من بيتي..
ولكني اليوم..قررت كسر الروتين..لأني أجلت الزواره الى العشا!!
فقلت لنفسي(وياكثر ما أقول لها..)خليني أفاجئهم بطلعه غير محسوبه ولوجبه محبوبه ..الريوق..
بالضبط..نص ساعه والكل تحت بالسياره..ياسلام..صاجين الأوليين
"شهوة القلب..عويين"
وطبعا كان إختياري المارينا كريسنت لأن الجو كان ظاهريا غيم..بس للأسف كان خاش بين ثناياه بعض الغبار المتنكر..!!
ولله الحمد استمتعت جدا بالجو والوجبه طبعا... ؛)
كانت الساعه تقريبا 11 فكان هناك اقتراح مستحي..وهو الدخول الى المارينا السوق
وأخذ فره صغييييييييره..ما نطول بس نشوف ما نبي نشتري ...
وآنا أتمشى..أذن الظهر ..
ولأول مره أستحي..إن الظهر يأذن وآنا بالسوق..لأن اليوم الجمعه
والله سبحانه وتعالى..قال في محكم التنزيل..:
"يا أيها الذين آمنوا إذا نودي للصلاة من يوم الجمعة فاسعوا إلى ذكر الله وذروا البيع ذلكم خير لكم إن كنتم تعلمون"
واللي نبهني بعد..إتصال من الوالده..:
موعادتج تطلعين هالحزه..اليوم الجمعه..؟
وبعدين ترى مكروه البيع والمشترى حزة الصلاة والأذان..!!
أدري..وكاني قطيت اللي بإيدي ورايحه السياره....
نقطه..أعلم أن أغلبكم يعرفها..ولكنها غابت عن بالي اليوم وحين تذكرتها..أحببت تعميم الفائده..والأجر لنا أجمعين..بإذن الله
والمنع يكون بعد الأذان الأول وصعود الخطيب المنبر ...
والله أعلم..
الحين المشكله بالهدوم اللي كنا زاخينهم..وخاطرنا فيهم..يعني فيها طلعه ضحويه باجر اذا الله راد..
نقطه بعيده جدا جدا عن السالفه...بس شغلت بالي هالنهار
المرأة اللي تشرب الشيشه أمام الناس بدون حياء ...ماذا تريد أن تثبت؟؟؟؟؟؟
مزاج..
قوة شخصيه..
؟؟؟؟؟؟؟؟؟؟؟؟؟؟
الحمد لله الذي عافانا مما ابتلاهم به وفضلنا على كثير من خلقه تفضيلا
هناك 11 تعليقًا:
الحكمة والنصيحة كانت بين ثنايا البوست
كما كان الغبار في ثنايا الغيم
جزاج الله خير
وأشكرج أختي على الكلام الطيب والتذكير من خلال سالفة واقعية
وياريت الناس تذكر كلام ربها على طول
المرأة والشيشه = وقاحة وقلة ذوق+شكلها بايخ+لا يمت بصلة للأنوثه
أسف عالتحلطم بس أهي فرصه وجت لازم نستثمرها
يزاج الله خير فعلا هالشي الناس غافلين عنه بس الحين الناس ٢٤ ساعه تتسوق. اذكر مرة رحت مجمع اول يوم العيد. ولا الناس تتشرى واللي تشيش جدام الناس او حتي مو جدام الناس لاتعليق طبعا :)
اتصدقين ظهاري الجمعه قبل لا تيمعون الكل للزوارة أحب ازرق مع أختي السوق طبعا على حسب الحاجه بس لازم عقب الصلاة لي افتلت الصلاة صج ما انطول بس لها طعم حلو :)
و إن شاء الله اليوم تروحين واتلاقين كل إلي تبينه و أحسن خيره تركج لهم
و الله يخلي لج أميمتج و يحفظها لج يارب
أما الشيشه بلاء وابتلى فيها مجتمعنا المشكله ما عندي احساس إن إلي يشيشون كويتيين ماني قادره اصدق ..أحسهم مخلطين ولا مجنسين ولا أي شي بس مو كويتيين يعني مو ذربه كلش و عيب ومو منطق لا ابو ولا اخو ولا احد يردهم عادي لا مو كل من جبع بالعباية صار كويتي خليها على الله بس الله يحفظنا و خواتنا من الشر ..
__
ترى اليوم ما حشينا فيج بس قالت لي روحي اقري البوست بس P;
ماجربت اطلع ضحوية الجمعة.. إلا لما نكون بسفر ..
بس بالديرة ماجربتها.. يالله يمدينا نتزهب للزوارة عشان ما نتأخر.. دايما أنا بالأخير وزين الاقي مسفط..
تحلطم
-----
يجزانا وياك كل الخير اللهم آآمين
ورأيك كان واااايد يهمني في سالفة الشيشه..لأنك قائد التحلطم
:)
وحياك الله
مكانك
ومشكور عالتشجيع
تكانه
-----
يجزانا وياج كل الخير اللهم آمين
والشيشه..الله يهديهم
ماني لاقيه لهم عذر
حياج الله
:)
الجودي
رحت وشريتهم =)
:)))
بعد قلبي والله روحة السوق حلوه بكل حزه..
والشيشه والله مادري شقوللج..رايج في من الصواب..بس ما نقدر نعمم
ويازينكم ويازين حشكم...
مادام إنتوا اللي تحشون فيني راضيه
:***
حياج الله
ودووووم منورتني
مي
--
وااااي مي ضحكتيني على سالفة المصفط
من صجج...آنا يا ويل اللي ياخذ موقفي أسد عليه وما يطلع الا بحبة راس وخشم...
عيل شلون..آنا العمه الوحيده
وزوارتي غااااااليه
حياج الله يا مي
منورتني يالغاليه
:***
الزين
as you wish
؛)
ما احب اطلع يوم يوم اليمعه احس مافي وقت كلش وما يتعدل مزاجي اذا ما افتريت الين تطيح ريولي وبعدين صلاه اليمعه لازم نكون عند التلفزيون نسمع الخطبة ..جزاج الله خير
والبنت اللي تشرب شيشة مسكينه تحسب انها حرية ما ابي اتطنز لان عندي بنات الحمدالله الذي عافنا ممن ابلاه وفضلني على كثير مما خلق تفضيلا .
هذا البوست اهداء.. اتمنى يعجبج
http://homeealone.blogspot.com/2011/05/blog-post_25.html
شكرا
:)
إرسال تعليق