هل سمعتم صوت صمتي في الأيام الماضيه
أم أنكم إشتقتم سماع حروفي الخجله
-------
قد استفزني الظلم أيما استفزاز...
فحبسته في صدري حتى كاد يخنقني
ولكني أثق بالله ...وبقدرته على إعادة الحق
فاستكانت نفسي...وهدأت
وها أنا أعود لكم
يامن تشتاق نفسي لقياكم
وأحب من كل قلبي أن أكون حيثما كنتم
:)
----------------------------
أم أنكم إشتقتم سماع حروفي الخجله
-------
قد استفزني الظلم أيما استفزاز...
فحبسته في صدري حتى كاد يخنقني
ولكني أثق بالله ...وبقدرته على إعادة الحق
فاستكانت نفسي...وهدأت
وها أنا أعود لكم
يامن تشتاق نفسي لقياكم
وأحب من كل قلبي أن أكون حيثما كنتم
:)
----------------------------
قبل جم يوم قريت بوست عند " سبمبوت "
وواااايد عجبني وكنت أبتسم وآنا أقراه
بعنوان كاراميل
وحبيت اني اعقب عليها في بوست يحكي قصه قالتها لي احدى العجائز
.....تقول الله يعطيها طولة العمر...:
كان ياماكان..في ايام قديمه من زمان
في خاله عندها كنتين..(زوجتين لإبناها)
في خاله عندها كنتين..(زوجتين لإبناها)
وحده يابت 4بنات والثانيه 3 أولاد
طبعا الخاله في ذاك الوقت
(القصة كما قالت العجوز في ايام سنة البطاقه..يعني مابين 1935الى 1945..تقريبا)
تبي حق ولدها ..ولد
وكانت تحن على هالمسجينه..وهذي مابيدها شي كلشي بأمر الله سبحانه
بس وين اللي يفهم؟؟
عااااد قامت الخاله تعز ام الاولاد وتكرف ام البنات
ولي صار العصاري..
قالت :
يا أم فلان تعالي شربي معاي جاي العصر
وإنتي يا أم البنات قومي سويلنا جويهه نشربها
وقامت توصي ولدها بالزواج على المسيجينه
والحمد لله إن الولد كان راعي دين وصلاة ويخاف من الله
ومؤمن بأن الولد والبنت كلهم عطايا الرحمن
وقالت : إذا ما يابت لك ولد
لا تقعدون عندي...
وطلع سكن بره بيت أهله
وداااااارت الدنيا...
وكبروا العيال..
وأم الاولاد
فضى عليها البيت..إلا من مرور بعض أبنائها بين وقت ووقت
وخالتها عندها ساكنه..
وبيت أم البنات..مااااشاء الله
هذي داشه..مع ريلها وعيالها
وهذي طالعه..
والنسايب كل واحد يحشم عمه ويبر بعمته
وصاروا لهم مثل الأولاد وأعز
وفي يوم زارتهم الخاله..ونامت عندهم
وقامت تتحسر على حالة المسكينه الثانيه اللي قاعده وحيده
حتى جناينها ما سكنوا عندها..
والبيت فاضي عليهم أهما الثنتيين
وقالت لهم القعدة عندكم تونس وترد الروح
اللي فهمتني إياه الحجيه الله يطول بعمرها
إن الولد يكبر ويروح
يمكن يرد مع مرته وعياله ويمكن تاخذه الدنيا
بس البنات يطلعون من بيت اهلهم وحيدات
ويردون له مع الريل والعيال..
وطبعا مادري اذا القصه صجيه أو قالتها من باب الحزايه
:)
يكفينا نحن أمهات البنات...
أن نقول للعالم أن عيسى إبن مريم
ولد للدنيا من أم بلا أب
وأن محمد بن عبدالله
صلى الله عليه وسلم
نبينا وحبيبنا وشفيعنا
ذريته في الدنيا باقيه... من فاطمه
إبنته...وبنيها هم خلفه وامتداده
أما آن لهذه النظرة أن تتغير؟؟؟
الحمد لله إن الحكومه مو عنصريه والا جان صار معاش الولد أكثر من البنت
؛)
ولهت عليكم...
:)
عساكم ولهتوا علي
هناك 16 تعليقًا:
اي والله ولهنا ;)
قديمًا قالوا أهلنا: الولد ماشاءالله والبنت الحمدلله لوول
ولي يومج نطفر يدتي: انتي تحبين الصبيان أكثر
النظرة تغيرت الحين وايد وعندنا البنت ماخذة حقها أكثر من الولد، ولو ان ليلحين في ناس عقلياتهم جذي
وتسلم ايدج :)
ولهنا و ولهنا و ولهنا
و شوقتيني على الحزاوي و بقولج جزء من حزاية تشبه حزايتج أمي كله تقولها لنا ...
كان في خاله نفس وضع الخاله إلي في القصه عندها 4 جناين يابوا كلهم بنات جابلتهم و قالت لهم :
يا وجوه المظلمات..
كلكم يبتوا بنات ..
ليش ما يبتوا صبي ..
جان طقينا طماشه ..
و جان يبيبنا اشوي ...
و ردوا عليها حفيداتها إلي بالمهاد:
بنيه على بنيه ولا القعود بطال ..
بنيه تطحن القفه و بنيه اتعاون الجار ..
و بنيه تقول يا يمه لفونا اليوم خطار ..
^^^
حبيبتي الليوان لا تقطعين ترى ضيقة خلق المدونات ..
ربي يحفظج و يحفظ لج بنياتج و ذريتج و يجعلهم من الصالحين البارين فيج ..
ولهنا عليج وايد و على سوالفج :*
احنا ولهانين خلقة
:))
اثنينهم زينة الحياة الدنيا .. وترا سالفة الولد مو بس عند العرب.. بكل البلادين على قولة كراميلا
:)
وآخر دعوانا ان الحمدلله رب العالمين
منورة مكانج
:)
سبحان الله البنت لما تييي، تييب معاها الخير بعكس الولد، وذا الشيء شفته وايد في حالات كثيرة، يعني لما الله يرزق الأهل ببنية، الأب أو الأم أو الأهل عموماً يُرزقون ببشارة في الدنيا، يا إما تييهم منحة، يا رب المنزل يترقى في وظيفته، يا إما تتسهل عليهم أمور من حيث لا يحتسبون، يا إما يا إما، السالفة وما فيها إنهم يحصلون خير، بعكس الولد اللي ما ييي من وراه إلا المصائب هههه. طبعاً كلامي مو بشرط يكون صحيح لكنه من خلال بعض المشاهدات اللي الواحد شافها في الحياة.
بوك مارك
بعد قلبي والله
توله عليج العافيه والجنه..
حلو هالمثل..أول مره أسمعه
أكيد النظرة تغيرت..وأكيد للحين في ناس هذي نظرتهم..
وترى اليدات كلهم للحين يفضلون الولد مادري ليش
والله لا يحرمني مشاركاتج الحلوه
:**
الجودي
بعد قلبي إنتي ...ترى أستحي
أحرجتيني
:)
ياربي يخلليلج الوالده ويعطيها الصحه والعافيه..
جنه يبيلنا جم حزايه من حزاويها الحلوه..تتكرمين علينا وتقولينهم
؛)
عجيييييييبه
حدها يازتلي
والله الخاله قشره..بس ما ألومها كلهم يابوا بنات ..قويه
يزاج الله خير عالدعاء الحلو ولج بالمثل يارب
رائع تواجدك كما أنت..دائما
لاخلا ولا عدم..
:***
جندل
ياربي يخلليهم لنا البنات والاولاد
مالنا غناة عنهم...
بس عاد اللي ربي يمنع عنه ليش نخليه يحس بالنقص..
مادري عن كل البلادين ...بس ماظنتي مثلاتنا
مكاني منور فيج وبمرورج..
ربي يبارك لج ويعطيج حتى يرضيج
:)
أحمد
عزيزي أحمد ... نعم إن البنات يحملن معهن البشارات
ولكن...
الولد لا يحمل المصيبه..
فهو رزق من الله..وهبة من الرحمن
والمصيبه ابتلاء...واختبار
ربما صادفك ابتلاء بولادة ولد ولكنها ليست قاعده...
الحمد لله على عطاياه..فكلها من الرحمن الرحيم..
حياك الله
مشاركتك أسعدتني
اولا عودُ حميد
والحمدلله على العودة للنشاط
ما شالله عوده قويه موضوع حلو ومفيد ومقدمه رائعه
انا اقول كلهم نعمه من الله وانعمة إبتلاء
ويقولون الولد نعمه والبنت رحمه
وكلهم مسؤوليه
تحلطم
حياك الله
ومشكور عالتشجيع
أكيد كلهم نعمه..واللهم لك الحمد
وساعات الولد يكون فيه خير أكثر من البنت...
مافي قاعده ثابته...
كل من حسب تربيته..
تواجدكم يسعدني دائما
يااا زين البنات ولمتهم
يازين سوالفهم وشطانتهم
حتى غشمرتهم غير
عسى الله يحفظهم ويذوقنا منفعتهم
:*
صباح الخير
البنت زينة الدنيا
يكفي كلامي عند سبمبوت
:)
welcome back :)
البنت/الولد عطايا الرحمن كلهم خير و بركة و اعتقد النظرة هذه حيــــل قديمة و ان كانت موجودة
يا معودة من الامراض و البلاوي اللي قمنا نسمعها الواحد يحمد ربه و يشكره انهم بصحة و عافية
الزين
ويااازين البنات اللي إنتي منهم
:***
ربي يخلليلنا ويحفظ لنا ذريتنا
ويبارك لنا فيها
اللهم آآآآمين
منورتني والله
ارتفل
وصبحك الله بالنور والكرامه
إي والله كلامك كله عدل وعين العقل
حياك الله
الالا
مادري إنت عزيزي أو عزيزتي
:)
صاجين والله الواحد يحمد ربه رزقه ذريه
في ناس إتمنى ياهل واحد بس...
الله يعين يارب
حياكم الله
إرسال تعليق