محتاجة انحاش !!!
@@
إيي.. أنحااااش...
من كل شي
الدوام..البيت..التلفون..الاهل
بس 5ايام تكفيني..
اسوي حق قلبي وعقلي
recharge
وارجع لكم فرررررش
وابي ديرة مافيها تكنولوجيا
ولا تطور ..ويفضل محد يعرفها
يعني مابي فيها احد ينطق عربي
وحتى لو لغتهم غير معروفة بالنسبة لي هم ما عندي مانع
الله يعافي لغة الاشارة
يصير؟؟؟
اذا ماكو ارحب باقتراحات داخلية
يعني اذا في مكان بالكويت تنطبق عليه هالمواصفات
غير داري وبيتي طبعا ( لأن هذا الاقتراح اللي موصيني عليه)
بس ابي يكون فيه view حلو علشان النفسية
اقتراح اخير...
مايصير اروح امتحن عن اليهال لاني حفظت المناهج
:(((
آخر شي آخر شي
ليش التنزيلات شايشين هالايام
مايدرون عندنا امتحانات..
بوست تنفيسي..
يعني اقروا ولا تعلقون..
وبدون طنازة الله يعافيكم..
هناك 28 تعليقًا:
لوووووول
شقصتنا انا معاج اليوم
مود تحلطم قااااتل
تصدقين لما اقعد بحدا هالمولات احس اني يايه من زمن اخر لا يمت لهالزمن بصله
واحس بغربه مع لوعة جبد من الهلاقه اللي مو طبيعية
تعالي ننحاش سوى
انا بعد فيني نحشه
وسكتي هلكتنا التنزيلات
وانا خااابقه الزبيل على الآخر
من الحين ناطره المعاش للشهر الياي
:)
شسالفتكم انتي والزين؟
نكشة ونحشة؟
خوش اسامي حق توائم
:p
الله يحفظهم ويوفقهم ويبلغج فيهم
حاسة بشعورج... جربي السطح بس لا تقربين من السور... الشيطان ما مات!
اتغشمر معاج, م تاخديش في بالك
:)
ياحبيبة قلبي...
انا مستعدة اختزلج الخمس ايام بخمس ساعات....
حجزي لج سبا بعيد عن الناس....
بس اهم شي تقدرين توفرين ساعتين ونص من وقتج من غير تلفون ولاحنة اليهال...
و استمتعي...
الله يعينكم متى اتخلص امتحانات اليهال؟؟؟
كنت على وشك التعليق بس هونت لما قريت آخر سطر
روحي زنجبار من صجي يمدحونها
اقترح عليج تروحين كوريا الجنوبية الناس اهناك ميح لا يعرفون لا انقلش ولا غيره والتعامل معاهم بالشارة بس نفسيتج بتتعب منهم اكيد :)
امممم
طلباتج شوي صعبه دذره مافيها تكنلوجيا ومافيها عرب ولها فيو حلو وتكفي حق ٥ اياام .... مالج الا المالديف :)
كان الله في عونج شعور النحشه هذا لاحقنا لاحقنا ولا يبي يفج :( ياني اليوم مثلاً طالبين من بنتي لبس على بومه !! من وين ايبلها دومه الحين؟ لو طالبين كاسكو شوي تترقع بس زومه؟؟ لر ويبونه الخميس :(
اذا لقيتي لج مكان حلو للنحشه لا تنسيني ابي انحاش ويااااج :)
يا مال العافيه
يا قلبي هذه الأمومه و الجنة تحت أقدامج الله يسعدج إن شاء الله ..
مممم أرجح اقتراح سلة شي و تغيير جذي أو على الأقل أي صالون و سكري تلفونج و يكون كلاس و غيري شكلج فوق تحت تتغير نفسيتج طبعا هذا بشكل مؤقت ولما اتخلص الامتحانات لاحقة خير ...
اخذي لج يومين بفندق بالخليج أو شرق آسيا أو يومين في جنيف غسلي قلبج وردي و إذا تقدرين هالويك إند تشدين الرحال عمرة ترى ماكو أحلى منها ..
ربي يحفظج
انحاشي يابعدهم بس وين بتروحين
ان شلتي شلايلج كلنا وراج p;
الجو صج مال نحشة ومال الواحد يختلي بنفسه ويرتب أفكاره ويفضي روحه من كل شي
حفظتي المناهج وصميتيهم مالج أمل كلمن يمتحن لحاله ;)
اووووووووووووووووووووووو
الحال من بعضه
وشكلي بسويها
:)
الزين
=====
ياربي شنسوي بالتحلطم صار سمه وعادة من العادات الكويتيه
؛)
يلا معاج انتي انحاش وين ما تبين
:)
وما له داعي تنطرين المعاش ياج رزقج
الله يبارك لنا ولكم بهالديرة الحبيبه
ويرزقنا الامن والامان
:***
جندل
====
الله يسامحج اسماء توائم عاااد؟؟؟
شيشتيني...اذا يبت توأم بسميهم نحشه ونكشه..
؛)
سطح بهالسحتني يا جندل شناويه علي؟؟؟
جان سيدا الاميري...
:)
منوراني يختي..
:***
سلة ميوه
=======
تصدقين سلة للحين ما رحت ولا سباااا في حياتي كل ما نويت يطلع شي...
ياكثر ما احجز واكنسل ...
بس هالمره خلااااااااص
ناويه وما بذني ماااي بحيل الله
وخوش اقتراح ليش انه داخلي ومايكلف..
ماقدر عالسفر مع هاليهاهيل والبرد..
هانت كلها الاسبوع الياي ونخلص..
ياحبيبتي انتي..
:***
تحلطم
=====
زنجباااااار
@@
قلت بنحاش مو بنتحر؟؟؟؟
والله آنا قبل جم سنه فكرت بكينيا..بس ماساعفني القروب اللي عندي...
ناخذ اقتراحك بعين الاعتبار
ماقصرت
حياك الله
:)
انجنيرا
=======
آآآآآآخ يا ابرار...ييتي عالجرح
ودي بالمالديف..بس ما اقدر آخذ البربس معاي..ولا اقدر أخليهم متعلقين فيني حيييييل..
:)
وجنه النحشه يازت لكم؟؟؟
بس يايبه قضبوا ارضكم خلاص ..هونت
:)
منورتني والله
الجودي
======
الله يعافيج يارب..
فعلا اقتراح سله هو المرجح حاليا..لظروف الامتحانات ..وين اهدهم واروح..؟؟؟ ما اقدر
العمره...قلبي يالجودي معلق هناك
بس ماكو احد فاضي.. كلهم حاجزين روحهم للبر..ومحد معطيني ويه كلش
:)
ياحبيبتي انتي
:***
بوك مارك
========
يالنحيسه !!!
ليش ما يصير امتحن عنهم
اي والله الجو خيالي ما ينتطوف كلش ..ابدا..ابدا..
بس اقرر النحشه بعلنها هني واللي يبي حياه الله...
:)
منورتني يا الحلوه
:***
ارتفل
=====
ليش الحال من بعضه..!!!
توك ما شفت شي
بناتك صغار الله يحفظهم
خل يكبرون شويه وبعدين صج فكر بالنحشه
وين بتروح ..اقضب ارضك.. ما صدق يبنا الطاري..
:)
هههههههههههههه لا ماكو للاسف
اصلا حتى لو بتنخشين لج بداعوس بهالديره يلحقونج يشوفون شتسوين
الله يفكنا من اللقافه ويعينا ويعينج
انسان
=====
الحمد لله على كل حال بعد شنسوي ما باليد حيله...
حياك الله
ويعينا اجمعين يارب
:)
والله اذا انا دخلت في هالمود
مو مهم المكان
المهم اركب طياره و اقط كل شي وراي و اروح اقعد في فندق و بس
و ادلع نفسي
روحي عمان.. يمدحون شنغريلا
و دلعي نفسج
لوووووول !!
أنا قريت هالبوست وكتبت رد اشطولة وانقطع النت ،، والحين تذكرت اني ما رديت..
مممممم
الليوان .. ليش جذي ..
وليش وصلتي نفسج لهالحالة؟
تدرين ؟ انا سافرت ورديت بعز الامتحانات.. شنو يعني شصار بالدنيا ؟
ريلاكس يا حياتي انتي..
والله الدنيا ما تسوى..
وحيد في المنزل
==============
لالالا... ما اقدر اهد كل شي وارووووح
ما اقدر...
المسؤوليه يا أخي العزيز
والله عمان حلوه ..
يبيله ..نفكر بالموضوع
حياك الله
:)
مي
==
يا هلا والله...
تصدقين فقدتج!!
عساني ما افقدج من شر...بس قلت يمكن لاهيه وما قرت البوست للحين !!!
شسوي يا ميونه..شسوي
البنات يختج ..يفكرون بالطلعه..والامتحان باجر..حتى الجمعيه ياحلوها ... نبي نروووح!!!
الله يعين يا حبيبتي انتي ...
متحلفه فيهم عقب الامتحانات..يامي
بطلع الضغط من عينهم
؛)
:***
حافظج الله
حلو بوستج التنفيسي جنج قاعدة تتكلمين بلسان كل الامهات ابهالفترة عسى ربي يوفق عيالنا ونفتك من الحنة والرنة كل يوم.
اقتراح اخير...
مايصير اروح امتحن عن اليهال لاني حفظت المناهج
ههههههههه ... وياج حق .. اللي يدرس يحفظ المواد
اذا لقيتي المكااان ... ورة متخلص ايامج ال5 قوليلي عليه اروحله :)
chatterbox
==========
الله يحفظهم ويوفقهم اللهم آمين يارب
عيالنا وكل المسلمين
حياج الله منورتني
:)
قطرة وفا
========
يا هلا والله
ولا يهمج بس القى المكان بحط له اعلان
عندي ..
وبعزمكم عليه..
منورتنا
:)
حياااااتي
المود ضارب عند الكل
بس خل تخلص الامتحانات ..
و اخذي اجازة تعاليلي ..
:*******
كلش والا الليوان :*
النور
=====
حياتي انتي والله..
شفتي شلون..!
الله يعين ياقلبي انتي..اييييج افا عليج
بس معاي اليهال ..
؛)
حبيبتي والله ..ماقصرتي ..
تسلمين ياعمري انتي..
:****
منورتني يالحلوه
إرسال تعليق