للذكريات عبق جميل..وأجنحة من خيال..تحملنا لمكان ما... كنا به سابقا
مع اختلاف الزمان واختلاف النفوس..لتصبح الذكرى هي الامل الوحيد في التواجد بمكان
لايمسه التغيير ممها جرى...
ونبتدي بسم الله...
فتحت الصندوق العجيب اللي قلت لكم عنه قبل هالمره...
هالصندوق موجود عندي بالدار ومسكر
بين فترة وفترة اقعد انبش فيه.. وابسط عالارض
يعني أطول وآنا اتذكر .. :)
هالمره كان في ملف اعرفه زين..واحبه..لما يحمل بين دفتيه من ايام جميله لم اكن احس بجمالها الا بعد اعوام واعوام
فتحته وقعدت اقلب الاوراق اللي فيه ولقيت بوردنج باس مالت الطياره ايام ما كانوا يعبونها يدوي تذكرون..الحين كل شي برنت اوت..اول كنا وايد نطول عند الكاونتر الحين ماكو دقايق وشغلك خالص حتى جناطك توديها قبل يوم..
فتحته وقعدت اقلب الاوراق اللي فيه ولقيت بوردنج باس مالت الطياره ايام ما كانوا يعبونها يدوي تذكرون..الحين كل شي برنت اوت..اول كنا وايد نطول عند الكاونتر الحين ماكو دقايق وشغلك خالص حتى جناطك توديها قبل يوم..
طبعا صورتها لكم علشان تشوفون اشكثر اهي قديمه..قبل عشرين سنه تقريبا
أيام ...
كنا ما نعرف نسافر الا عالكويتيه ... والحين ما افكر الا اذا تسنعوا مع اني اذا سافرت على اي طيران ثاني يفز قلبي اذا شفتها بالمطار..
كنا ما نعرف نسافر الا عالكويتيه ... والحين ما افكر الا اذا تسنعوا مع اني اذا سافرت على اي طيران ثاني يفز قلبي اذا شفتها بالمطار..
ودي انقز واقعد فيها :)
ولقيت ورقة اختبار اللغه الانجليزيه للسنه الثالثه ثانوي وطبعا الورقه صفرا ويابسه يعني اثريه صارت وكلها جم سنه بعد وابيعها بالمزاد
؛)
؛)
( الظاهر اني كنت وايد مستانسه بالدرجه علشان جذي احتفظت فيها طول هالمده)
؛)
بعد صورت لكم الورقه وشوفوا شلون كنت مجتهدة وشاطره..هذي عاد ببروزها وبحطها بالصاله واخليها درس عملي للبنات عن الجد والاجتهاد..
=)
تبون الصج عاد ...عيال هالوقت مايمديهم يدرسون ..تلفزيون وتلفونات وطلعات والعاب الكترونيه ماتخلص
(سوني-بلستيشن-ننتيندو-دي اس-BB-ايفون.....الخ)
احنا بزماننا إذا ملينا من الدار طلعنا بالحوش
واذا بنطلع من البيت رحنا بيت الجده او بيت احد الاقارب
الله يعينا على تربية عيالنا ويحفظهم لنا ربي
الحلو في الذكرى..استرجاع المشاعر الحلوه طبعا...لأني ضد فكرة الاحتفاظ بالذكريات الاليمه..والله الواحد اذا ضاق خلقه يقعد يبطل له شي قديم..ويعيش كل احساس اللحظه الماضيه..تصدقون أحيانا لما اتذكر مكان واشخاص يتراوالي حتى ريحتهم اشمها..
وإلى أن يمر في بالي افتح صندوقي مره ثانيه
اشوفكم على خير
والله يجمل ايامكم بالطاعات
:)
هناك 4 تعليقات:
لا أجمل من استعادة اللحظات التي لم تعد موجودة بيننا .. هي صور تلاشت لكنها لم تمحى من الذاكرة ..
والاجمل .. ان تكون هذه الصور لها اثر ملموس يمكن الرجوع اليها
هذه البنت لديها صور من ذاكرتها
فهي ترجع اليها من وقت واخر
اقرأوا فرحتها وهي تشاهد اوراقها
ان كلماتها تتراقص امامنا
مع حسرة غير خافية عن وضعنا الحالي
فيما يتعلق بالتحصيل العلمي والمذاكرة وكيف ان الهواتف والنت والالعاب اشغلت اطفالنا وشبابنا عن الاهتمام بالدرجات التي تؤهلهم للنجاح
بوست رائع
انه شجي ومعبّر
ابن السور
تخجلنا كلماتك...
وتتعثر الحروف حين اطلبها ردا على ما كتبت
شكرا لتواجدك بين اروقة مدونتي المتواضعه حرفا وكلمات...
حين اكتب ..انما اكتب على سجيتي دون تصنع في اختيار الحروف ...الا حين تفرض علي الفكرة اختيار مفردة ما
حياك الله..وهذي الساعه المباركه
:)
تدرين إن عمرج طويل ...
إن شاء الله عمر شعيب النبي بالصحه و العافيه و رضا الرحمن ...
أنا فاتحه مدونتج من العصر .. ولا قعدت على الجهاز كل اشوي احوس .. ناويه أعلق على الذكريات ... و لو إني قاريته أول ما نزل من الموبايل بس ما اعرف اكتب فيه براحتي ... وفاجئني تعليقج بمدونتي :))
القلوب شواهد اتهقين ؟؟
صندوق ذكرياتج ذكرني بأظرف الذكريات إلي عندي ... الله يسلمج من ورقة امتحان لي صورة لي ذكرى .. لي كل خمجوره تطري على بالج .. وفي فتره احتفظت ببوردنج الطياره بكل سفره بعدين صرت أضيع ...
و الموضوع مطور معاي .. عندي امتحانات عيال أخوي تخيلي :\
بلحظات أقول ليش ما اتخلص منهم .. و اعيش اليوم بيومه ..
وبلحظات احن لأيامهم واحب استرجع كل دقيقه بأهلها ... ومثل ما قلتي بريحتهم ..
ربي يحفظ لج كل من تعزين يا الليوان حولج و يخليج لهم و يخليهم لج
آمين
مشكوره على البوست و على التعليق :***
ذكريات جميلة
(:
إرسال تعليق