آنا ما اعرف اسطر الحجي
واكتب كلام مرتب ومصفف ومصقول ومدوزن
اعرف اكتب مشاعري ...اي
بس ارتبها واسوي لها ريسايكل... لأ
احب اسولف لدرجة ان ممكن اللي جدامي يمل وانا ما ادري
:)
كل يوم اقعد من النوم على امل ان اليوم احسن من امس بإذن الله
وباجر بيصير بعد اجمل
دائما ما أردد مقولة د. محمد الثويني الله يجزاه خير
" احنا بخير وفينا خير "
في بداية اليوم العملي ( على وزن اليوم الدراسي )
بمجرد ما اركب سيارتي..وادقها سلف..تبدي رحلة يوم العمل بالنسبة لي
ممكن هالرحلة تترك اثر ايجابي طويل ولله الحمد بسبب اذاعة القران
وممكن تترك اثر سلبي (..بس وقتي..) ما يطول اكثر من 1/2 ساعة
بسبب وقاحة احدهم ..بالطريق
المهم ..
الزحمة ..موسمها معروف
من سبتمبر الى مايو
وباجي شهور السنة (ترى كلهم 3شهور)
الوضع عادي وحلو وممكن اوصل الدوام بربع ساعة
انا مو من النوع اللي يتضايق من الزحمة لاني دائما اطلع مبجر ولله الحمد
وحتى لو تاخرت
سهالات السالفة ...ما اقث عمري على تاخير
احب شغلي وااايد ولله الحمد
واحب الجروب اللي معاي
انا طبعي اعامل الناس باخلاقي مو باخلاقهم
افقد اعصابي احيانا..اكيد
لكن الحمد لله عمري ما قليت ادبي على احد
ولا احب اطول لساني او اتحجى بصوت عالي
وكله اتذكر حجوة ابوي يعلة الجنة
" انتي صورتي جدام الناس
بالج تخليني استحي ادش الدواويين من شي سويتييه "
هالكلمة ربتني ... ما تصدقون شلون!!
وفي العمل ... تمر عليك نماين.. الحمد لله الذي عافانا
ناس ..طينة ينه (جنة )
وناس ..منكر حسنه
ناس..سنع وادب
وناس..قمة في قلة الأدب
ناس..مالهم شغل فيج
وناس..بس يقطون بلاويهم عليج
عاد آنا ولله الحمد فيني ميزة...أعرف اختار ربعي صح
وسبحان الله..اللي مثل نمونتي..يتمون معاي واللي فيهم شوية عواية (عواجة )
لالا .. من زمان العلاقة " السلام ... وعليكم السلام..وبس "
مواقف اتذكرها عنهم..
بلال.. الفراش
واستفتاح السلام وصباح العمل بويهه لأن أهو أول واحد قاعد عند باب الادارة
حمال الاسية..والطعام.. والاوراق..والاستكانات.. والفناييل..ومطراش يمين ويسار..وروح السيارة وييب من السيارة ..وروح للمطعم برة .. بس هم الجانب الايجابي في الموضوع انه احنا نبره دايما اذا عندنا نقصة ( اكل ..فلوس..حتى هدوم عطيناه )
التقي باحد الموظفين في ممر الادارة ...
" ازيك ايه الاخبار..."
تقول انا من اصحاب التجارة !! اخبار خير يا عساك بخير.. احيانا ارد علية بالكويتي القلج مسكين يقولب عيونة مافهمني
عاد بسرعة اقلب الموجة مصري .. او عربي بسيط .. ابتلشت بحجي العيايز
طبعي اسلم على كل من القاه في طريقي الى مكتبي
حتى المكاتب اطل فيها واسلم
من باب افشوا السلام بينكم
وتبسمك بوجه اخيك صدقة
فلانة #1#
السلام عليكم
وعليكم السلام هلا والله
شلونج
بخير الحمد لله
فلانة #2#
السلااااام عليكم ( دليل على الميانة شوية )
هلا والله عليكم السلام
شلونج ..وشلون اليهال
والله بخير ..شلون عيالج
تمام ..شلونكم مع الامتحانات ..والله اليهال لاعت جبودهم
بعد..شنسوي..يعين الله
ها طلبتوا شي ..؟ (اذا ماتريقت ما اعرف اشتغل )
لا.. ام عبدالله دازة مسج تقول يايبة ريوق
اكيد جباتي او صمون فلافل... :)
يلا نعمة..
خير ..انا بروح مكتبي على ما تيي..
فلانه#3#4#5#
(مجموعة تقعد دايما مع بعض )
السلام عليكم
وعليكم السلام..
شلونكم بنات ان شاء الله بخير
الحمد لله..
اذهب الى مكتبي..افتح الليت الداخلي للمكتب
اقعد على الكرسي..افتح الجهاز..اطلع التلفون من الجنطة..احطة على المكتب
اطلع مفتاح درجي..واحط الجنطة بالدرج..واسجل بالنوتة جم الساعة بصمت علشان احسب تاخيراتي ؛)
اذا عندي استئذان كتبتة وزهبتة..عشان ما انسى..
اجابل الشاشة.. لحد ما يتكاملون البنات.. ونتيمع عالريوق لمدة نص الى ساعة
وبعدها صلوح ملوح اللي يدل مكتبة يروح
ومابين الشغل ..والمعاملات ..وتبديل الشاشة من نظام العمل الى بوستات ربعي الحلوين ومواقع الهدوم والجناط..وتلفونات الخدم وشنو تبين غدا..واحاديث هنا وهناك.. ينقضي يوم العمل ..
ولاينقضى حتى اقول لكم عن ..
حبيبة قلبي..
ام علي..
دائما ما اسبقها بالوصول ..واحيانا نلتقي في مواقف السيارات ونمشي حتى نصل المكتب حيث اني يارتها واهي نعم اليارة (الجارة )..
بدون وجودها ..ربما لم اكن لأستمر في العمل ..ببساطة هي من اهل الجنة.. ليست من اهل الدنيا.." اسم الله عليها الله يحفظها "
هي صورة لحسن التعامل بينما الآخرون كوبي من صور اساءة الحوار والمعاملة
احبها في الله ولله..
لها تاثير كبير في حياتي العملية والعائلية
تاثير ايجابي..ولله الحمد
المديرة...
انسانة..صديقة..مسؤولة..تفخر بانها مديرتك..
الله يبارك لها يارب...
لي معها عدة مواقف..طيبة طبعا :)
بس روح العمل عندها اهم من العمل نفسة
تحرص على الود بين موظفين الادارة وتقدر كل من يعمل
لم اظلم عندها ولا مرة والحمد لله
تستمع الى الشكوى بعين وقلب مفتوحين..
تسال قبل ان تحكم.. وهذا مايميزها..
يزاها الله خير ..
ساعات افكر..!!
المكان اهم او الاشخاص اللي معاك في العمل
حتى تستمر بالعطاء اللي تتمنى انك تعطيه
عن نفسي.. الشخص اللي معاي له دور..اذا كان المكان زين
بس اذا المكان مو زين..حتى لو الشخص اللي معاي..منو؟؟ مالكم امل اقعد
وشخصيا غيرت مكان عملي مرتين..والثالثة ثابتة :)
نلقاكم على خير..
حافظكم الرحمن اللي عينة ماتنام
( احب هالدعوة )
بس ارتبها واسوي لها ريسايكل... لأ
احب اسولف لدرجة ان ممكن اللي جدامي يمل وانا ما ادري
:)
كل يوم اقعد من النوم على امل ان اليوم احسن من امس بإذن الله
وباجر بيصير بعد اجمل
دائما ما أردد مقولة د. محمد الثويني الله يجزاه خير
" احنا بخير وفينا خير "
في بداية اليوم العملي ( على وزن اليوم الدراسي )
بمجرد ما اركب سيارتي..وادقها سلف..تبدي رحلة يوم العمل بالنسبة لي
ممكن هالرحلة تترك اثر ايجابي طويل ولله الحمد بسبب اذاعة القران
وممكن تترك اثر سلبي (..بس وقتي..) ما يطول اكثر من 1/2 ساعة
بسبب وقاحة احدهم ..بالطريق
المهم ..
الزحمة ..موسمها معروف
من سبتمبر الى مايو
وباجي شهور السنة (ترى كلهم 3شهور)
الوضع عادي وحلو وممكن اوصل الدوام بربع ساعة
انا مو من النوع اللي يتضايق من الزحمة لاني دائما اطلع مبجر ولله الحمد
وحتى لو تاخرت
سهالات السالفة ...ما اقث عمري على تاخير
احب شغلي وااايد ولله الحمد
واحب الجروب اللي معاي
انا طبعي اعامل الناس باخلاقي مو باخلاقهم
افقد اعصابي احيانا..اكيد
لكن الحمد لله عمري ما قليت ادبي على احد
ولا احب اطول لساني او اتحجى بصوت عالي
وكله اتذكر حجوة ابوي يعلة الجنة
" انتي صورتي جدام الناس
بالج تخليني استحي ادش الدواويين من شي سويتييه "
هالكلمة ربتني ... ما تصدقون شلون!!
وفي العمل ... تمر عليك نماين.. الحمد لله الذي عافانا
ناس ..طينة ينه (جنة )
وناس ..منكر حسنه
ناس..سنع وادب
وناس..قمة في قلة الأدب
ناس..مالهم شغل فيج
وناس..بس يقطون بلاويهم عليج
عاد آنا ولله الحمد فيني ميزة...أعرف اختار ربعي صح
وسبحان الله..اللي مثل نمونتي..يتمون معاي واللي فيهم شوية عواية (عواجة )
لالا .. من زمان العلاقة " السلام ... وعليكم السلام..وبس "
مواقف اتذكرها عنهم..
بلال.. الفراش
واستفتاح السلام وصباح العمل بويهه لأن أهو أول واحد قاعد عند باب الادارة
حمال الاسية..والطعام.. والاوراق..والاستكانات.. والفناييل..ومطراش يمين ويسار..وروح السيارة وييب من السيارة ..وروح للمطعم برة .. بس هم الجانب الايجابي في الموضوع انه احنا نبره دايما اذا عندنا نقصة ( اكل ..فلوس..حتى هدوم عطيناه )
التقي باحد الموظفين في ممر الادارة ...
" ازيك ايه الاخبار..."
تقول انا من اصحاب التجارة !! اخبار خير يا عساك بخير.. احيانا ارد علية بالكويتي القلج مسكين يقولب عيونة مافهمني
عاد بسرعة اقلب الموجة مصري .. او عربي بسيط .. ابتلشت بحجي العيايز
طبعي اسلم على كل من القاه في طريقي الى مكتبي
حتى المكاتب اطل فيها واسلم
من باب افشوا السلام بينكم
وتبسمك بوجه اخيك صدقة
فلانة #1#
السلام عليكم
وعليكم السلام هلا والله
شلونج
بخير الحمد لله
فلانة #2#
السلااااام عليكم ( دليل على الميانة شوية )
هلا والله عليكم السلام
شلونج ..وشلون اليهال
والله بخير ..شلون عيالج
تمام ..شلونكم مع الامتحانات ..والله اليهال لاعت جبودهم
بعد..شنسوي..يعين الله
ها طلبتوا شي ..؟ (اذا ماتريقت ما اعرف اشتغل )
لا.. ام عبدالله دازة مسج تقول يايبة ريوق
اكيد جباتي او صمون فلافل... :)
يلا نعمة..
خير ..انا بروح مكتبي على ما تيي..
فلانه#3#4#5#
(مجموعة تقعد دايما مع بعض )
السلام عليكم
وعليكم السلام..
شلونكم بنات ان شاء الله بخير
الحمد لله..
اذهب الى مكتبي..افتح الليت الداخلي للمكتب
اقعد على الكرسي..افتح الجهاز..اطلع التلفون من الجنطة..احطة على المكتب
اطلع مفتاح درجي..واحط الجنطة بالدرج..واسجل بالنوتة جم الساعة بصمت علشان احسب تاخيراتي ؛)
اذا عندي استئذان كتبتة وزهبتة..عشان ما انسى..
اجابل الشاشة.. لحد ما يتكاملون البنات.. ونتيمع عالريوق لمدة نص الى ساعة
وبعدها صلوح ملوح اللي يدل مكتبة يروح
ومابين الشغل ..والمعاملات ..وتبديل الشاشة من نظام العمل الى بوستات ربعي الحلوين ومواقع الهدوم والجناط..وتلفونات الخدم وشنو تبين غدا..واحاديث هنا وهناك.. ينقضي يوم العمل ..
ولاينقضى حتى اقول لكم عن ..
حبيبة قلبي..
ام علي..
دائما ما اسبقها بالوصول ..واحيانا نلتقي في مواقف السيارات ونمشي حتى نصل المكتب حيث اني يارتها واهي نعم اليارة (الجارة )..
بدون وجودها ..ربما لم اكن لأستمر في العمل ..ببساطة هي من اهل الجنة.. ليست من اهل الدنيا.." اسم الله عليها الله يحفظها "
هي صورة لحسن التعامل بينما الآخرون كوبي من صور اساءة الحوار والمعاملة
احبها في الله ولله..
لها تاثير كبير في حياتي العملية والعائلية
تاثير ايجابي..ولله الحمد
المديرة...
انسانة..صديقة..مسؤولة..تفخر بانها مديرتك..
الله يبارك لها يارب...
لي معها عدة مواقف..طيبة طبعا :)
بس روح العمل عندها اهم من العمل نفسة
تحرص على الود بين موظفين الادارة وتقدر كل من يعمل
لم اظلم عندها ولا مرة والحمد لله
تستمع الى الشكوى بعين وقلب مفتوحين..
تسال قبل ان تحكم.. وهذا مايميزها..
يزاها الله خير ..
ساعات افكر..!!
المكان اهم او الاشخاص اللي معاك في العمل
حتى تستمر بالعطاء اللي تتمنى انك تعطيه
عن نفسي.. الشخص اللي معاي له دور..اذا كان المكان زين
بس اذا المكان مو زين..حتى لو الشخص اللي معاي..منو؟؟ مالكم امل اقعد
وشخصيا غيرت مكان عملي مرتين..والثالثة ثابتة :)
نلقاكم على خير..
حافظكم الرحمن اللي عينة ماتنام
( احب هالدعوة )
هناك 27 تعليقًا:
حبيت سوالفج وحبيت كلامج وحبيت الجو الي وصفتيه كله :)
الكلام لي طلع من القلب أحلى بواايد من الحجي المصفصف الي مافيه ذرة مشاعر ;)
مادري اثنينهم مهمين المكان والأشخاص :/
:)
الله يهنيج ويبارك لج برزقج
:)
ما تبون مهندسين مع وقف التنفيذ بدوامكم؟
في شبه كبير بين بوستي وبوستك
القلوب شواهد
بحفظ الرحمن ليوان
:)
برجع لج
الموضوع شكله مشوق
:**
عساج عالقوة والله يخليج لاعيالج ويعطيج الصحة والعافية :)
والله يخلي المديرة وأم علي ويكثر من أمثالهم
وإن شاء الله تكونين مرتاحة بدوامج ويدوم عليج الابتسامة *_*
صج يالليوان إنج بنت حلال والله معطيج على قد نيتج
الله يهنيج بربعبج ودوامج وبالدنيا والآخره
البوست مثل باقي موضوعات مدونتك يدل على روح طيبه وصفاء سريره
الله يديك علوج التفاؤل ويفكج من إزعاج الطريق
إستمتعت بالقراءة وسلمي على بلال
آسف على بدليات الآي باد
آخر سطر قصدي
الله يديم عليج التفاؤل
وياريت اكو علوج تفاؤل كان وزعتهم صدقه جاريه
Bookmark
********
حبتج العافية والجنة ياحبيبتي انتي
ساعات ودج كلامج يكون مرتب شوية..
حياج الله والساعة المباركة
:)
ARTFUL
*******
:)
سجلناك حضور
؛)
chandal/danchal
***************
عشتوا اليوم مشتهية اكتب اساميكم مثل ما اهي.. ؛)
يهنيج ربي بالايمان وطاعة الرحمن
والله اذا المهندسين مثلج نبيهم ونبي يدهم بعد...
:)
والقلوب شواهد اي والله صاجة.. كل ما كتبتي شي قلت وااااي كنت بقولة..
:)
حافظج الله حبيبتي
الزين
*****
ناطرينج
:*
Amwaj
******
الله يقويج ويرزقج الصحة والعافية
واللهم آمين يارب كلنا الله يديم علينا السعادة والهنا ويكثر من امثال الطيبين مثلج وشرواج...
الساعة المباركة
:)
t7l6m.com
**********
تصدق...
مادري شرد عليك
احرجتني...
بس تدري انا حسبالي تحاجيني بالمصري قلت اشفيه..
( الله يديك علوج التفاؤل )
هههههه
ضحكتني ..وعاذرينك حيث ان الاي باد يدوده ..ويقث بعد..
واي والله نبي علوج تفاؤل..
قول حق قطوتك تييب لنا منهم
سلامك واصل
:)
الساعة المباركة
بوست رايق وفايق :)
موفقة يارب
Engineer A
**********
يا هلا والله
من طول الغيبات... ؛)
ويوفقج يارب
:)
خوش سويلفات .. استمتعنا وياج باللوكيشنات والحوارات اللي أوردتيها ..
عاملين للابداع الادارة والبيئة
عسى الله يبارك لج ويتمم عليج
موفقة^_^
خاتون
*****
يا حياالله خاتون..
استانست انج استمتعتي بالبوست
:)
فعلا الادارة مهمة
والله يوفق الجميع حبيبتي
الساعةالمباركة
دوامج في وايد حريم ماشاء الله تبارك الرحمن
ما ادري ليش استغربتهم لووول
يمكن لأن دوامي رياييل و الحين بدت ريل الحريم تاخذ عليه
المهم ربي يسعدج بصحبتهم و بجارتج إلي حبيتها معاج في الله و لله ولو إني ما اعرفها و يكفيني معرفتج :)
دوامج يونس
الله يهنيج ويبارك لج برزقج ورزق عيالج
كل هاللي سولفي عنه يعينج بانج تقضين اليوم بسلام وتردين البيت بمود ومزاج مرتاح
ما عدا الزحمه طبعا
:)
جمعة مباركه يالشيخه
:**
أنا عادة لا وظيفة في المدونات بلوق الخاص بك ولكن الذي اجبرني على العمل مذهلة.. جميل...
الجودي
*******
ياهلا والله
ليش قاعدة وسط الرياييل !!!! تدرين ان ماوراهم لا سالفة ولا لقمة..
دوري قعدة الحريم تونس ..بس لاتطولين معاهم لايحوشج طشارهم ؛)
تحبج العافية والجنة ياربي
تسلمين ..
الساعة المباركة..
الزين
******
هلا والله
تعالي ..حياج.. واذا يازلج المكان نقلي عندنا ؛)
اي والله اهم شي المود لي رديت البيت
ويبارك لج ربي برزقج.. قولي آآآآمين
هذي الساعة المباركة
معلومات رهيبة ، شكرا جزيلا لكاتب المقال. انها مفهومة بالنسبة لي الآن ، وفعالية وأهمية هو المحير. أشكركم مرة أخرى وحظا سعيدا!
حقا مثل تصميم الرسومات والملاحة للموقع ، وسهل على العيون ومحتوى جيد. مواقع أخرى ليست سوى وسيلة تفيض جدا مع يضيف
وكانت هذه المادة لقراءة لطيفة ، شكرا لك على المشاركة فيه.
كنت مؤخرا قد جاء عبر بلوق الخاص بك وكانت القراءة على طول. ظننت انني سوف يترك تعليقي الأول. أنا لا أعرف ماذا أقول إلا أن لقد استمتعت القراءة. نيس بلوق.
هذا حل المشكلة حقا لي ، شكرا لك!
إرسال تعليق