صباح جميل كجمال قلوبكم
صباح الابتسامة على ثغر طفل لم يكمل عامة الاول
واسنانة ما اكتملت للحين
وضحكتة فيها صوت يضحك...
:)
كالعادة... والله لايقطعها من عادة
في صباح كل يوم
ابدا مشوار اللف على دور بناتي الله يحفظهم
الساعة السادسة و15 دقيقة تقريبا
مرمر...العودة
" قومي يما الله يهداج
حبيبتي انتي ...
بعد قلبي ..."
يصاحبها لمه مع سدحة على كتر
ينشبن فيها جنبي اليمين لغاية العصر...
شسوي .. مراهقة ولازم نعطيها شحنات حنان زيادة
عشان ما تروح تدور عليها من برة ^-^
(أعجبكم..أم فطينة)
(أعجبكم..أم فطينة)
" يما ما لي خلق ما شبعت نووووووووم "
"مايخالف حبيبتي كلنا ما شبعنا نوم بس لازم نقوم"
"يلا ياحبيبتي انتي تيددي وصلي ونزلي بسرعة
واكلي لج شي لاتروحين وبطنج خالي
يقعد يغروج جدام البنات ويفشلج..."
:)
تضحك عالكلمة...وتقوم
انتقل الى دار فوفو
وآآآآآه من ...
وآآآآآه من ...
"فطفط...."
" أووووووووووه ...ليش كله تقعدوني أول "
قالتها على كبر الدار وتطلع من الطوفة بعد
(فوفو دائما اول النائمين الله يحفظها بس كلة مو شبعانة نوم)
" فطيمة وثول لاتقولين اووه ...عيب
آنا أمج يالخايسة "
" شنو هذا ليش كل يوم لازم نروح المدرسة
ليش ما يخلون المدرسة الظهر والا العصر "
" ان شااااااء الله حبيبتي ليصار ابوج وزير التربية
قلنالة يغير القانون ويخلي الدوام بالبيت بعد "
@@
بقت عينها علي وزمة بوزها...
" يماااااااااا "
" قومي خلصيني... صوتي انبح وقلبي بيوقف "
عاد اهي خوافة ووسواسية وتصدق بسرعة
" انزييييييييييييين "
....من ورا عشرين جدار للقلب قالتها
عااااااد الحلوييييييييييين شلون يقعدونهم
شوشونة الموقة
( مادري ليش هذي ناطعة )
" يماااا انسدحي يمي شوية "
انسدحنا..!!!
" لميني.... "
لميتها..!!!!
" يماااا...عادي اغيب بس اليوم "
وانتفض انتفاضة الاسد في عرينة
" شنهوووووو؟؟؟؟؟
يلا عاد خلصيني قومي عن الملاقة
غياب وتو السنة بادية "
...
عيل ماني مفرشة اسناني ولاني متريقة
وكل يوم بروح بدون جنطة اكل
وماني داشة الحمام بالمدرسة
...
عااااادي بس روحي المدرسة
...
ثلاث بجوات ودمعتيييين هوالة
وتقوم تبدل وهي مغصوبة وتمشط شعرها بروحها
علشان تحرني .. بس هم ماكو غياب..
(أم نحيسة)..على قولة فطوم
عقب هالمشوار اللي مدتة نص ساعة تقريبا
وجني ماشية فيه على ريولي من البيت الى الوفرة
اتذكر اني قعدت من فراشي بدون ما ادش الحمام كرمكم الله
آآآآآه....الله ياجرني
بربع ساعة بس
(غسلت وبدلت ونزلت)
ياحليلي سهلة.. :)
طبعا لازم ساعة سلامات وتحيات
وتوصيات:
وتوصيات:
لاتنسين اذا تقدرين طلعيني الحصة الاخيرة او قبل
وابي نص دينار الربع ما يكفي
وانا بقعد جدام اليوم امس اهي قعدت
هالجنطة تضايقني قايلتلج مابيها
النفنوف قصير والشورت اطول منة يبين ويفشل
واللي ما احب اسمعة كلش ملش بلش
علي واااجب ونسيت احلة
.
.
.
وأخيرا يركبون السيارة
ويروحون بحفظ الله...
واحس ساعتها واهم يغيبون شوي شوي بالسيارة
جنة قلبي ينشلع من مكانة
عاااااد يبدي تأنيب الضمير
جني ما حبيت هذي
ومالميت هذيج وااايد
والثانية جنة قالت تبي شي وما سمعتها
لألألأ....صج ابي اغمض عيوني يوم كامل
واصك اذوني يومين
واسكر حلجي سنة...
بعدييييين ... يمكن احس باسترخاااااااء
ويبدى مشوار الدوام...
ولي معكم لقاء في ...
يوم من دوامي...
.
.
:)
.
.
بداية اسبوع سعيدة بإذن الله
على قلوبكم الحلوه
بداية اسبوع سعيدة بإذن الله
على قلوبكم الحلوه
هناك 24 تعليقًا:
البوست عجبه يهبل
حبيتج وانتي ام
يا زينج زيناه
:**
والله يخلي لج مرمر وفطفط وشوشونه وتشوفينهم في بيت عدلهم
:))
احلى صباح
بوست يشرح القلب
الله يحفظهم ويبارك لج فيهم
:*
انا ولدي ما يقوم من النوم الا لما اعكه لين الحمام -حاشاج-
وساعات يقولي: ماما "ارقصي" فيني!
اما بنتي فنفس حالة فوفو الله يحفظها, لو تنام اربع العصر هم ما يكفيها, نومها ثقيل
استمتعت بالبوست ليوان, الله يواليج العافية
:)
انتي في هذا البوست جميلة
مبهره الجمال
بأنوثه الامومه
برقة احساسها
وبحنان عطائها
:)
صديقتي الجميلة:
انتي في كل صباح تصنعين ذاكرتهم،تضعين بصماتك في قلوبهم،وتخلقين لهم تفاصيل ارتباطهم فيك
انتي ام نادره..في زمن نسى به الامهات اطفالهم بين احضان الخدم
يوما ستكبر جميلاتك..ستزف كل واحده منهن لبيتها عروس..وسيجدون نفسهن كل صباح في حنين لصوتك وحنانك وذكرياتك الجميلة في ارواحهم..سيتعيشون امتدادك ويكررون جمالك في حياتهم
الله يحفظهن ويبارك فيهن ويرزقك برهن يارب
وتذكري..ان حسن تربيه البنات باب لدخول الجنه،عسى ربي يرزقك فردوسه الاعلى انتي وبناتك وكل من تحبين يارب
:**
اعجبني البوست جدا جدا جدا
:)
عسى الرحمن يحفظ بنياتج من كل شر
و يحفظ عيال كل من يقرا
قولي آمين
:)
أولا الله يخلي لج عيالج ويحفظهم وتشوفين إن شالله عيال عيالهم وإنتي بصحه وعافيه
ضحكتيني وذكرتيني بالأيام إللي أقعد العيال،أشوه أن مو كل يوم،البجر أعطيه ويه لأنه عود ومراهق والباجين مساكين أتولاهم زف
وأعوض الزف بسوالفنا عالريوق
بوست ماحصلش وناطرين يوميات الدوام
تسلم أيدج
يا عسل والله يا أحلى أم..
ماشاء الله تبارك الرحمن ..
الله يخليهم لج وتبلغين فيهم تشوفينهم عرايس..
الليوان..
حلوة كتاباتج..
عفوية
قريبة من النفس
كأننا نشوفكم من خلال الكلمات
بس سالفة طلعيني الحصة الآخيرة.. لوووول نفس الحالة تتكرر!
الله يحفظهم لج ويحفظج لهم
عيشتيني ببدايه يوم دراسي من اوله
الحين يهون .... الجايد اذا صار الشتا وصار البرد....شيشلعهم من فرشهم
يزا الوالدين الجنه
تصدقين نسيت هذيك الاياااااام
لوووووووووووووووووووووووووووول
ان شاء الله تشوفينهم عرايس
:*
دخلت جوو ويا مغامراتكم ..
الله يخليهم لج والله يخليج لهم
مادري ليش ابتسامتي شاقه الويه وانا اقرا بوستج :)
الله يحفظهم ويخليهم لج يارب ويبلغج فيهم ويحفظ عيالنا اللهم آمين
صباح الفل :)
الزين كلة...
انتي اللي تهبلييين
بس لاتشوفين الsecond face of the mother in me
:)
يزاج الله خير حبيبتي عالدعوة الحلوة
:**
جندل...
مو احلى من صباحاتج وتاثير بوستاتج علي :)
يابعد قلبي..
لألألأ اعك وارقص لابالله داومت :)
يعافيج ربي قولي آمين
عسى الله يخلي لنا ويخلينا
الله يخليهم لج ان شاء الله ياحلو الامهات
استكانه...
=)
أخجلتيني..
ودي أطبع كلامج وأخلي بناتي يقرونه
عادي!!!
صدقتي .. فالذاكرة تختزل الصور الجميلة من زمن الطفولة ولانتذكرها الا عند احساسنا بافتقاد تلك الايام
اسعدك الله كما اسعدتي قلبي بكلامك
والله يرزقج الذرية الصالحة ويعيج كل ما تتمنيين يارب
:***
عثماني...
أخي العزيز مرورك الاول اسعدني
واسعدني اكثر اعجابك بالبوست :)
والله يجزاك كل خير على الدعاء
ما قصرت
تحلطم....
يزاك الله كل خير على الدعاء
الله يحفظ عيالنا ويبارك لنا فيهم
لا عاد كل شي ولا البجر ...
له معزة خاصة...
شوف عاد يوميات الدوام بيصير فيها ملاقة شوية
بعد دوووووام :)
حياك الرحمن
مي ...
بعد قلبي والله
حبيبتي انتي فشلتوني واحرجتوني..
بس بس ترى اتمقط عليكم الحين..
ترى وقت التدريس اصير غييييييييير
؟؟!!؟؟!!؟؟
بس سالفة طلعيني الحصة الاخيرة تدرين ان البابا مسانعهم على هالحركة كل ماصار فاضي راح طلعهم وانا اللي اتحلطم...
خبرج انا نظامية :)
ياحلو مرورج
حياج الرحمن وماقصرتي عالدعاء
بنت الشامية....
اي والله صاجة .. احنا يالله نقوم من تحت الكنابل بالشتا شلون هاليهال مساكين
الله يعينا ويعينهم..
حياج الله حبيبتي
:)
gahdee...
حياج الله
يزاج الله خير عالدعاء
:)
انجنيرا....
يابعد قلبي الحمدلله ان البوست رسم على ويهج ابتسامة ..
الله يبارك لنا في ذرياتنا ويرزقن برهم قولوا آميييييين ...
:)
kuwaiti women rights
حياج الله حبيبتي
ويزاج الله خير عالدعاء
:)
حبيت البوست ..
مشاعرج طاغيه فيه من القلب للقلب ع قولتهم..
الله يخليج بناتج ويحفظه يارب..
مشكوره..
الليوان صباحج تبارك الرحمن حلو ..
مع إن أني قريته بابتسامه بس فقرة المحاتاة إلي عند الباب و وصفج لسيارة وهي تمشي نزلة دموعي ..
ربي يحفظهم لج و يرزقج برهم و يبارك لج فيهم و يخليج لهم
ماشاء الله تبارك الرحمن ولا حولة ولا قوة إلا بالله ..
رورو الشخبوطة...
بعد قلبي
حياج الله
سعدت بان اسعدك البوست
:)
الجودي ...
بعد قلبي والله
يزاج الله خير عالدعوة الحلوة
وترى انا احاتي الكل في كل شي
يعني عادي ترى تعودت
:)
إرسال تعليق