ليش سويت لي مدونة؟

مساكم الله بالخير

في سالفة تقرقع بقلبي

أهو سؤال . . .

يمكن كل واحد سأله لنفسة...

وأكيد كل واحد عندة اسبابه...

 بس هل كلنا عندنا القدرة او الشجاعة انا نقول

**آنا عندي مدونة**

أو إنا نكتب باسمائنا الحقيقية

عن نفسي...

قلت بخلي الموضوع بيني وبين نفسي بالبداية

بصراحة....

ابي اكتب بدون قيود

بدون ما احس ان في علي رقيب

(الا الله سبحانة)

ابي اكتب احاسيسي بدون خوف

او
تردد
او
حياء

ابي اكتب حتى لو محد قرالي

( تصدقون انة للحين محد يدري انة عندي مدونة )
وساعات اقول حق نفسي...
ليش يحافظ بايقة والا سابة الحكومة

:)

آنا أؤيد
( مادري صح جذي تنكتب والا لأ)
اللي حاط المدونة للفضفضة أو بيكتب خرابيطة
وسوالفة اليومية
لايعلم احد

بس المدونات اللي لها هدف
سياسي-علمي-اجتماعي
لأ قولوا الله يعافيكم
لأن انت مو قاعد تقول شي شخصي

بالنهاية

طريقة تربيتنا بمجتمع محافظ اثرت فينا باشياء وااايدة
(اغلبها من وجهة نظري زينة)

علششان جذي اللي مو معلم
يا مستحي
ياخايف من الانتقاد
يامالة خلق تعليقات وطنازة
يا......

مادري شرايكم؟؟

وهل تؤيدون الكتابة باسم صريح
او تحت اسماء مستعارة
كغالبية البلوقرز

:)